Demi Bumi dan Kehidupan Bersama bagi seluruh dzat dan makhluk Semesta Raya secara adil dan beradab.
(oleh Ripana Puntarasa pada 22 April 2010 jam 14:24)
Saturday, October 16, 2010
Hari Bumi, 22 April (?)
Kulminasi matahari di atas garis maya Khatulistiwa dua kali setahun, diperkirakan tanggal 21-23 Maret dan 21-23 September. Dalam musim normal, keduanya masuk musim pancaroba menuju kemarau (jw. mareng) dan pancaroba menuju penghujan (jw. labuh). Kedua saat itu lebih tepat untuk kita pemukim kawasan tropis yang menyangga nafas bumi menandainya sebagai hari-hari puncak persetubuhan Bumi dan Matahari.
(menelisik di lekang simpang jalan pikiran) “IBLIS”
Iblis, makhluk yang katenye dibikin dari api. Pas lagi dikenalin ame ciptaan Tuhan yang paling baru, Iblis ngebantah perentah Tuhan. Die kagak mau disuruh hormat en sujud ame Manusie. Beda ame Malekat yang nurut en setie.
Die bilang: “Aye kagak mau sujud ame die. Aye cuman mau sujud ame TUHAN doang...”
“Kagak bisa..!” Bentak Tuhan. “Elu juga kudu tunduk, sujud en hormat ame Manusie."
“Gak mau, ah....,” kate Iblis.
“Ee ngebantah lu!” bentak Tuhan.
“Kagaak! Aye gak punye maksud ngebantah. aye cume setia ame perintah Engkau, Haan.. "Dilarang bagiku bersujud kecuali pade DiriMu, Tuhan.” Iblis ngasih alesan yang kuat en lumayan cerdas.
“Ya udeh kalo gituu. Ntar dihukum masuk nerake lu, Blis!” kate Tuhan teges-teges.“Dah, pegi sane lu.. mundur, keluar dari depan Gw,” usir Tuhan.
Iblis trus ngeloyor keluar ruangan, santai sambil senyum-senyum.. ninggalin cengkeramanye Tuhan, Malekat ame Manusie.
***
Pertemuan buat ngenalin Manusie, si Adam, Hawa, ame abang-abangnye selesai. Malekat keluar, diem-diem die undur diri, mo nyari si Iblis.
***
“Blis....! Blis….! Blis…!” Malekat tereak manggil-manggil. “Sini lu, gue mo ngomong soal kelakuan lo tadi.." Iblis dateng ngedeketin Malekat. Trus pade duduk bedua deh tuh, ngobrol-ngobrol.
Kate Malekat: “Lu tadi diusir keluar koq malah ngeloyor santai, pake senyum-senyum lagi. Kenape sih lu? Emang gak takut lu kalo ntar dimasukkin nerake?”
“Hehehehehe.......” Si Iblis malah nyengir.“Emangnye kenape, Kat?” Iblis balik nanye. “Apenye yang salah?”Asal ente tau aje ye, Tuhan itu ude adil Kat...Maha Adil.. Gue malah trimekasi nti kalo disuruh masup nerake. Itu tandenye Tuhan sayang banget ame gue.” Kate si Iblis.
“Oh......” Si Malekat melongo.
“Nah, perlu elu tau juga, Kat. Ade satu rahasie lagi. Gue kasih tau asal lu jangan bilang-bilang ame si Manusie. Kayaknye malah die tuh yang takut en ragu-ragu!”
“Laah?! Kenape begituuh?” Malekat nanya, bingung kagak ngerti maksudnye si Iblis.
“Manusie ‘kan dibikin dari tanah liat, lempung atawe lumpur. Nah kalo ntar dimasukkin neraka, takutnye jadi gerabah die. Kalo diketok, thing-thing-thing bunyinnye. Kalo kagak ati-ati ngerawatnye, bakalan gampang pecah, berarakan kemane-mane kagak kepake. Makenye Manusie mimpinye masuk surge melulu tu ....”
"Oh.....," Malaekat ngangguk-angguk belagak ngarti. Sebenernye die masih rungsing mikirin maksudnye si Iblis.
“Tapi Kaat, elu kudu ngarti, kalo di surge tu bakal ade masalh juga buat die. Coba aje pikirin. Manusie dibikinnye dari tanah liat... lempung ato lumpur. Lah kalau ntar di surge die jadi adem terus kesiram-siram ame air, kayak ape jadinye?! Hayo, ape gak jadi lembek kayak bubur encer? Yah, pastinye tetep aje die bakal ancuuur, jadi belok'!” Kate si Iblis ngablak. Sinis en sarkastis.
“O…o….o….. gitu yee,” Malekat langsung nyaut, kayaknye die mulai ngerti jalan pikirannye Iblis.
“Ya iyalah......” kate Iblis nadanye bangga en besar ati. Terus aje dia ngomong dengan percaya diri sambil nitipin pesen-pesen, kasi nasehat supaye Malekat nyampein ke Manusie.
Katenye, "Jadi Kat, ente kudu bilang ame ntu Manusie. Suruh die ati-ati, jangan ampe kepanasan ato kebasahan biar kagak gampang pecah ato jadi belok. Kasi saran ame die supaye milih tengah-tengah aje, yang sedeng-sedeng ajee. Biar awet en ade gunenye!”
***
Ternyate, waktu si Iblis ame si Malekat ngobrol, si Manusie ikut ngedenger dari jauh. Batinnye geliseh en pikirannye ruwet. Die bengong duduk ngejedog di bawah pu'un rindang yang lebat buahnye. Buah pu'unan itu kate Tuhan kagak boleh dimakan, tapi die suka ngeliat si Iblis nyolong-nyolong makan tu buah.
“Si Iblis pan suka nyolong metikin buah ini trus die makan, tapi koq Tuhan ngelarang gue makan ini buah. Kenape, ye?” kate Manusie dalem atinye. “Eh.. jangan-jangan buah ini yang bikin si Iblis jadi cerdas, ude gitu pinter ngomong lagi. Soalnye si Malekat yang taat, setie, nurut ame perintah kagak makan ini buah, jadinye pendiem en kalem bener.”
“Hmm… Biar gue gak gampang dikadalin ame ceramah-ceramahnye si Iblis. Biar gue juga kagak sekalem en sependiem si Malekat.” Pikir Manusie, “Gue mau coba metik en makan ni buah.”
Si Manusie langsung bediri, metikin satu, dua, tiga buah trus dimakanin semue.
Abis gegares buah-buah itu, perutnye berasa mekar, kepalenye berat en matenye juga pengen merem aje. Semuanya keliatan bergoyang badannye berasa diayun-ayun, kayak dilempar dalam suasane gelap-terang, gelap-terang…
***
Pyaar…!!!
Terayun ringan en jatuh terkapar. Dalam sadarnye si Manusie ngedenger suara batin dan pikirannye, berdengung di sekililingnye. “Elu, Manusie… Udah dibilangin jangan sentuh tu buah, lu makan juge. Gue kagak urus lagi ame elu sekarang. Urus diri ame idup elu sendiri.”
“Ho'oh, ho'oh,ho'oh...!” kate Manusie gagap.
***
“Nah, elu liat tu Kat… Ujung-ujungnye die milih juga,” kate si Iblis sambil nyengir-nyengir gak puguh.
***(Cerita Pendek Watugunung2010)***
Ucapan terimakasih buat Mpok Nieke yang udeh ngebantu ngeditin Betawiannye. Makasih, yee.... (rpn/wtgn)
Die bilang: “Aye kagak mau sujud ame die. Aye cuman mau sujud ame TUHAN doang...”
“Kagak bisa..!” Bentak Tuhan. “Elu juga kudu tunduk, sujud en hormat ame Manusie."
“Gak mau, ah....,” kate Iblis.
“Ee ngebantah lu!” bentak Tuhan.
“Kagaak! Aye gak punye maksud ngebantah. aye cume setia ame perintah Engkau, Haan.. "Dilarang bagiku bersujud kecuali pade DiriMu, Tuhan.” Iblis ngasih alesan yang kuat en lumayan cerdas.
“Ya udeh kalo gituu. Ntar dihukum masuk nerake lu, Blis!” kate Tuhan teges-teges.“Dah, pegi sane lu.. mundur, keluar dari depan Gw,” usir Tuhan.
Iblis trus ngeloyor keluar ruangan, santai sambil senyum-senyum.. ninggalin cengkeramanye Tuhan, Malekat ame Manusie.
***
Pertemuan buat ngenalin Manusie, si Adam, Hawa, ame abang-abangnye selesai. Malekat keluar, diem-diem die undur diri, mo nyari si Iblis.
***
“Blis....! Blis….! Blis…!” Malekat tereak manggil-manggil. “Sini lu, gue mo ngomong soal kelakuan lo tadi.." Iblis dateng ngedeketin Malekat. Trus pade duduk bedua deh tuh, ngobrol-ngobrol.
Kate Malekat: “Lu tadi diusir keluar koq malah ngeloyor santai, pake senyum-senyum lagi. Kenape sih lu? Emang gak takut lu kalo ntar dimasukkin nerake?”
“Hehehehehe.......” Si Iblis malah nyengir.“Emangnye kenape, Kat?” Iblis balik nanye. “Apenye yang salah?”Asal ente tau aje ye, Tuhan itu ude adil Kat...Maha Adil.. Gue malah trimekasi nti kalo disuruh masup nerake. Itu tandenye Tuhan sayang banget ame gue.” Kate si Iblis.
“Loh? koq?” Si Malekat bingung.
“Oh......” Si Malekat melongo.
“Nah, perlu elu tau juga, Kat. Ade satu rahasie lagi. Gue kasih tau asal lu jangan bilang-bilang ame si Manusie. Kayaknye malah die tuh yang takut en ragu-ragu!”
“Laah?! Kenape begituuh?” Malekat nanya, bingung kagak ngerti maksudnye si Iblis.
“Manusie ‘kan dibikin dari tanah liat, lempung atawe lumpur. Nah kalo ntar dimasukkin neraka, takutnye jadi gerabah die. Kalo diketok, thing-thing-thing bunyinnye. Kalo kagak ati-ati ngerawatnye, bakalan gampang pecah, berarakan kemane-mane kagak kepake. Makenye Manusie mimpinye masuk surge melulu tu ....”
"Oh.....," Malaekat ngangguk-angguk belagak ngarti. Sebenernye die masih rungsing mikirin maksudnye si Iblis.
“Tapi Kaat, elu kudu ngarti, kalo di surge tu bakal ade masalh juga buat die. Coba aje pikirin. Manusie dibikinnye dari tanah liat... lempung ato lumpur. Lah kalau ntar di surge die jadi adem terus kesiram-siram ame air, kayak ape jadinye?! Hayo, ape gak jadi lembek kayak bubur encer? Yah, pastinye tetep aje die bakal ancuuur, jadi belok'!” Kate si Iblis ngablak. Sinis en sarkastis.
“O…o….o….. gitu yee,” Malekat langsung nyaut, kayaknye die mulai ngerti jalan pikirannye Iblis.
“Ya iyalah......” kate Iblis nadanye bangga en besar ati. Terus aje dia ngomong dengan percaya diri sambil nitipin pesen-pesen, kasi nasehat supaye Malekat nyampein ke Manusie.
Katenye, "Jadi Kat, ente kudu bilang ame ntu Manusie. Suruh die ati-ati, jangan ampe kepanasan ato kebasahan biar kagak gampang pecah ato jadi belok. Kasi saran ame die supaye milih tengah-tengah aje, yang sedeng-sedeng ajee. Biar awet en ade gunenye!”
***
Ternyate, waktu si Iblis ame si Malekat ngobrol, si Manusie ikut ngedenger dari jauh. Batinnye geliseh en pikirannye ruwet. Die bengong duduk ngejedog di bawah pu'un rindang yang lebat buahnye. Buah pu'unan itu kate Tuhan kagak boleh dimakan, tapi die suka ngeliat si Iblis nyolong-nyolong makan tu buah.
“Si Iblis pan suka nyolong metikin buah ini trus die makan, tapi koq Tuhan ngelarang gue makan ini buah. Kenape, ye?” kate Manusie dalem atinye. “Eh.. jangan-jangan buah ini yang bikin si Iblis jadi cerdas, ude gitu pinter ngomong lagi. Soalnye si Malekat yang taat, setie, nurut ame perintah kagak makan ini buah, jadinye pendiem en kalem bener.”
“Hmm… Biar gue gak gampang dikadalin ame ceramah-ceramahnye si Iblis. Biar gue juga kagak sekalem en sependiem si Malekat.” Pikir Manusie, “Gue mau coba metik en makan ni buah.”
Si Manusie langsung bediri, metikin satu, dua, tiga buah trus dimakanin semue.
Abis gegares buah-buah itu, perutnye berasa mekar, kepalenye berat en matenye juga pengen merem aje. Semuanya keliatan bergoyang badannye berasa diayun-ayun, kayak dilempar dalam suasane gelap-terang, gelap-terang…
***
Pyaar…!!!
Terayun ringan en jatuh terkapar. Dalam sadarnye si Manusie ngedenger suara batin dan pikirannye, berdengung di sekililingnye. “Elu, Manusie… Udah dibilangin jangan sentuh tu buah, lu makan juge. Gue kagak urus lagi ame elu sekarang. Urus diri ame idup elu sendiri.”
“Ho'oh, ho'oh,ho'oh...!” kate Manusie gagap.
***
“Nah, elu liat tu Kat… Ujung-ujungnye die milih juga,” kate si Iblis sambil nyengir-nyengir gak puguh.
***(Cerita Pendek Watugunung2010)***
Watugunung
Jakarta, Maret-September 2010(Syawal 1431H)
Ucapan terimakasih buat Mpok Nieke yang udeh ngebantu ngeditin Betawiannye. Makasih, yee.... (rpn/wtgn)
Subscribe to:
Posts (Atom)
